صحبتي دارتها بيا ، و راني نخلص ف الثمن

السلام عليكم
نظن هاد الموضوع راح يكون مخالف و الله اعلم
لكن بمجرد اني نكتب واش كاين في قلبي بلاك على الاقل نستعرف بواش درت
صحبتي عندي ملي نعرفها 10 سنين ، م السنة اولى ابتدائي اول نهار ليا ف ليكول ديرو رواحكم في بلاصتي مانقدرش ما نوثقش بيها سرها و سري واحد ... هي يحبها واحد و هي تحبو بصح ماهيش باغية تكون معاه المجتمع كل مرة يفرق بيناتهم ، و انا متحررة ماعلاباليش بهدرة الناس و أصلا مكاش اللي يتجرأ ينطق كلمة بالعاطل عليا خاطر في كل مرة نواجه المواقف اللي نكون فيهم و نثبت رايي ، وصينا واحد صاحب اللي راني معاه او بالاحرى كنت معاه باش ما يقولش على هاد العلاقة تاع صحبتي لحبيبتو الجديدة و اللي هي بنت عم صحبتي علابالي دورتلكم ريسانكم ، المهم هو مراحش قلها و لا قلها مانعرف جات قالت لصحبتي باللي حنوني قالي و حكالي انتي ليه ما توليش معاه واك يبغيك . و لا على الاقل صحبتي هدا واش حكات . ايا انا رحت قلت لهداك اللي كنت معاه مازيدش تحكيلو يروح يقلها و هي تروح تقول للناس كامل ، هو زعف قلي كيفاه تقولي على صاحبي هكا ما نسمحلكش مهخم

و قلي سقسيه هداك الطفل قلي انا ماحكيتش و الله ، و راح سقساها واش حكات مع صحبتي قالتلو باللي حكاتلها على المشكل تاع وحد الطفلة و قالتلها باللي سيد احمد و مصطفى و سيدعلي اللي هوما الاحباء تاوعنا بحال باللي يحبو يحكمو و انا و الله ماوصلتني هاد الهدرة انا صحبتي كي حكاتلي ديفورمات الحكاية كامل امالا انا حسبتها كيما قالت هي و ما كذبتهاش خاطر ندير فيها الثقة و رحت قتلو ما زيدش تحكيلو و صرا اللي صرا . ..
صحبتي اعز الناس ليا دارتها بيا و خلاتني ، ما تتصوروش شحال نبغيه هذاك العبد و باللي ماهيش الغلطة تاعي و كون حكاتلي الصح كون رحت بلعتلها هي فمها و مارحتش حكيتلو بصح انا قلبي راه يحرق اللي رحت جرحتو و اتهمت صاحبو بحاجة مادارهاش و خسرت نفسي و خسرت ثقة و نظرة اعز الناس ليا .
نبغي نقلها صحيتي ماكنتش حاسبة وين يجي نهار و نتفارق مع شخص ف الاحلام مكنتش رايحة نصيبو و قصة تاع عامين تكمل بسبتك نتيا
راني عارفة باللي هذا الموضوع رايح ينحذف لانو مخالف للشروط تاع القسم على مااظن
لكن افيدوني باقتراحات برك مع العلم اني حكيت معاهم كامل و طلبت السماح

السلام عليكم
اولا قبل التعليق على مشكلتك بالذات
اود توجيهك الى نقطة مهمة في مشكلتك
وهو ان اساسها و سببها هو "المصاحبة"
والذي نهى عنه الشرع و اود أن تعلمي ان هذا حرام
واذا على حساب قولتك ماعلابالكش بهدرة الناس ماذا عن كلام الله تعالى
وهو يقول" ولا متخذات اخذان"
اخذان = أصحاب ذكور
وانت تعيشين بنفسك عواقب ما تفعلينه
بربك ماذا استفدت من كل هذا ماعدا القلق وتكسار الراس والقلب بلا ماننساو الذنوب و تضييع الوقت
والله ان ما انت فيه عواقبه وخيمة ونهايته لا تحمد لا في الدنيا ولا في الآخرة
فنصيحة مني أن تتركي ما انت فيه من عصيان
وتتقربي الى الله وستحسين حينها براحة البال والضمير
وان كنت ستقولين ان كل صديقاتك لديهن اصحاب
اقول لك لا يغرنك كثرة العاصين وكوني قدوة لغيرك
واذا قلت ان هذا امر عادي اقول لك
لو كان عاديا لأخبرت به امك وابيك وعائلتك
و في قولك

و خسرت نفسي و خسرت ثقة و نظرة اعز الناس ليا

اقول لك نعم خسرت نفسك امام الله
خسرت ثقة والديك فيك
و نظرة الناس لوالديك وسمعتك التي هي أعز ما تملكين ولست تدركين ذلك لانك صغيرة ولما تكبرين ستدركين اهمية السمعة
حينما يود احد خطبتك فيسأل عنك ويقال له "دعك منها فقد لعب بها الكثير ولم تعد تصلح وقد صاحبت ذاك و فعلت كذا وكذا..." وتخسرين بذلك الكثير
فسارعي بالتوبة قبل ان يسوء الامر
واذكرك ان اغلى الناس هم والديك وليس اصحابك
فالاصحاب لا يدومون وينقلبون عليك في اي لحظة
بينما الوالدين لا يحبان لك الا الخير

ما أقوله قد يغضبك ولكن يقولك اسمع الكلام اللي يبكيك وماتسمعش الكلام اللي يضحكك
و ما نصيحتي الا نتيجة اخوتي لك في الله
وان كنت بحاجة الى نصيحة فنحن هنا دائما
وأتمنى ان تعودي وتقولي لنا انني تفارقت معه ونصحت صديقتي ففعلت مثلي وتبنا توبة نصوحا
تمنياتي لك بالتوفيق والسداد

[b]